ԸՆԿԵՐՈՒԹՅՈՒՆ, ՈՐԸ
ԾԱՌԱՅՈՒԹՅՈՒՆՆԵՐ Է ՄԱՏՈՒՑՈՒՄ համապատասխանության գնահատման ոլորտում

«ԷՄ ՋԻ ԷՔՍՊԵՐՏ» ՍՊԸ-ն հիմնադրվել է 2008թ.-ին: Մեր կազմակերպության նպատակն է մատուցել որակյալ ծառայություններ համապատասխանության գնահատման բնագավառում: «ԷՄ ՋԻ ԷՔՍՊԵՐՏ»ՍՊԸ արտադրանքի սերտիֆիկացման մարմինը  իրականացնում է հայտարարագրերի գրանցում  Մաքսային Միության/ Եվրասիական Տնտեսական Միության  և Ազգային Տեխնիկական Կանոնակարգերին համապատասխան  ՝իր հավատարմագրման ոլորտի շրջանակներում: «ԷՄ ՋԻ ԷՔՍՊԵՐՏ» ՍՊԸ արտադրանքի սերտիֆիկացման մարմինը   իրականացնում է  նաև կամավոր սերտիֆիկացում (խմբաքանակ և սերիական թողարկում):

Հայտարարագրերի գրանցման, դադարեցման կարգը, ինչպես նաև  մեր հաճախորդների իրավունքներն ու պարտականությունները սահմանված են   մեր կազմակերության կողմից մշակված «Արտադրանքի համապատասխանության հայտարարագրերի գրանցման կարգ (MG2)» -ում: Սերտիֆիկացման մարմինը կիրառում է հայտարարագրերի գրանցման սխեմաներից /ընթացակարգերից որևէ մեկը: Հայտարարագրերի գրանցման սխեմաները նկարագրված են  «Համապատասխանության գնահատման տիպային սխեմաների մասին » ԵԱՏՀ 2018թ.-ի ապրիլի 18-ի N 44 և  «Համապատասխանության գնահատման տիպային սխեմաների մասին » ԵԱՏՀ 2011թ.-ի ապրիլի 7-ի N 621 որոշումներում, իսկ հայտարարագրման ընթացակարգերը սահմանված են  ՀՀ Կառավարության 16.01.2014թ.-ի  N 56-ն «Համապատասխանության գնահատման  ընթացակարգերը սահմանելու մասին» որոշման մեջ:

Սերտիֆիկացման ոլորտը ընդլայնելու կամ կրճատելու,կասեցնելու կամ դադարեցնելու կամ մերժելու կանոնները և ընթացակարգեrը սահմանված են «Արտադրանքի կամավոր սերտիֆիկացման  կարգ (MG1)» -ում:

Կամավոր սերտիֆիկատների տրամադրման գործընթացը , սխեմաները  , ինչպես նաև  մեր հաճախորդների իրավունքներն ու պարտականությունները սահմանված են   մեր կազմակերության կողմից մշակված «Արտադրանքի կամավոր սերտիֆիկացման  կարգ  (MG1)» -ում:

«ԷՄ ՋԻ ԷՔՍՊԵՐՏ»ՍՊԸ-ում մշակված և  ներդրված է  «Բողոքների և հայտատուների բավարարվածության ընթացակարգ » (ԻՍՕ 08.00-2.0):

Գրե'ք մեզ, զանգահարե'ք մեզ, և մեր փորձառու մասնագետները պատշաճ ձևով կարձագանքեն Ձեզ:

Մեր գործընթացին առնչվող  ցանկացած փաստաթուղթ մենք պատրաստ ենք տրամադրել Ձեզ՝ըստ պահանջի:

«ԷՄ ՋԻ ԷՔՍՊԵՐՏ» ՍՊԸ-ում ներգրավված են երկար տարիների աշխատանքային փորձ ունեցող հմուտ մասնագետներ:Մենք մեր հաճախորդներին  երաշխավորում ենք թափանցիկ գնային քաղաքականություն, անկողմնակալություն, գաղտնիություն:

• ՄՄ ՏԿ 005/2011 "Փաթեթվածքի անվտանգության մասին"
• ՄՄ ՏԿ  007/2011 "Երեխաների և դեռահասների համար նախատեսված արտադրանքի անվտանգության մասին"
• ՄՄ ՏԿ 009/2011 "Օծանելիքակոսմետիկական արտադրանքի անվտանգության մասին"
• ՄՄ ՏԿ 015/2011 "Հացահատիկի անվտանգության մասին"
• ՄՄ ՏԿ 017/2011 "Թեթև արդյունաբերության արտադրանքի անվտանգության մասին"
• ՄՄ ՏԿ 021/2011 "Սննդամթերքի անվտանգության մասին"
• ՄՄ ՏԿ 022/2011 "Սննդամթերքի մակնշման  մասին"
• ՄՄ ՏԿ 023/2011 "Մրգերից և բանջարեղենից ստացված հյութամթերքի տեխնիկական կանոնակարգ"
• ՄՄ ՏԿ 024/2011 "Ճարպայուղային արտադրանքի տեխնիկական կանոնակարգ"
• ՄՄ ՏԿ 029/2012 "Սննդային հավելումների, բուրավետիչների և տեխնոլոգիական օժանդակ միջոցների անվտանգությանը ներկայացվող պահանջներ"
• ՄՄ ՏԿ 033/2013 "Կաթի և կաթնամթերքի անվտանգության մասին"
• ՄՄ ՏԿ 034/2013 "Մսի և մսամթերքի անվտանգության մասին"
• ԵԱՏՄ ՏԿ 040/2016 "Ձկան և ձկնամթերքի  անվտանգության մասին"
• ԵԱՏՄ ՏԿ 044/2017 "Փաթեթավորված խմելու ջրի, ներառյալ բնական հանքային ջրի անվտանգության մասին"
• ԵԱՏՄ ՏԿ 051/2021 «Թռչնի մսի և դրա վերամշակումից ստացվող արտադրանքի անվտանգության մասին»
• ՀՀ կառավարության առ 16.06.2023N 957-Ն որոշում «Կենցաղային և սանիտարահիգիենիկ նշանակության թղթե և քիմիական թելքերից ապրանքներին ներկայացվող պահանջների տեխնիկական կանոնակարգ»
• ՀՀ կառավարության 08.06.2023 N 916-Ն որոշում «Սինթեթիկ հիմքով լաքերի և ներկերի տեխնիկական կանոնակարգ»
• ՀՀ կառավարության առ 16.12.2004 N 1795-Ն որոշում «Մակևրևութաակտիվ միջոցների և մակերևութաակտիվ նյութեր պարունակող լվացող ու մաքրող միջոցների տեխնիկական կանոնակարգ»